marketing in laos Archives

23
Dec

ໃນການເຮັດການຕະຫຼາດ ແນ່ນອນວ່າມີຄ່າໃຊ້ຈ່າຍຫຼາກຫຼາຍທີ່ທຸລະກິດຕ້ອງໃຊ້ເພື່ອໃຫ້ລູກຄ້າຊື້ສິນຄ້າ ແລະ ບໍລິການ ບໍ່ວ່າຈະເປັນຄ່າໂຄສະນາ ຈ້າງພີເຊັນເຕີ້ ຫຼືລວມໄປເຖິງການຈັດອີເວັ້ນຕ່າງໆ ຄ່າໃຊ້ຈ່າຍທັງໝົດນີ້ລ້ວນເອີ້ນວ່າ Customer-Acquisition-Cost ຫຼື CAC ເຊິ່ງຖ້າຍອດຄ່າໃຊ້ຈ່າຍສ່ວນນີ້ສູງກໍຈະເຮັດໃຫ້ເຮົາເສຍເງິນຫຼາຍກັບການດຶງດູດລູກຄ້າໃຫ້ເຂົ້າມາສົນໃຈທຸລະກິດ ຫຼາຍທຸລະກິດຈຶ່ງຕ້ອງການຫຼຸດຄ່າໃຊ້ຈ່າຍໃນສ່ວນນີ້ໃຫ້ໄດ້ຫຼາຍທີ່ສຸດ

ແຕ່ກ່ອນທີ່ເຮົາຈະໄປເວົ້າເຖິງການຫຼຸດຄ່າໃຊ້ຈ່າຍ ບົດຄວາມນີ້ຈະພາມາຮຽນຮູ້ກ່ຽວກັບ CAC ໃນມຸມມອງທີ່ນັກການຕະຫຼາດຄວນຮູ້ ບໍ່ວ່າຈະເປັນວິທີຄຳນວນຫາ CAC ປະໂຫຍດຂອງ CAC ພ້ອມວິທີປັບປຸງເພື່ອຫຼຸດຄ່າໃຊ້ຈ່າຍ CAC ໃຫ້ໜ້ອຍທີ່ສູຸດ ຄົບ ຈົບ ໃນບ່ອນດຽວ.

Customer Acquisition Cost ແມ່ນຫຍັງ

CAC ຫຍໍ້ມາຈາກ Customer Acquisition Cost ໝາຍເຖິງ ຕົ້ນທຶນໃນການໄດ້ລູກຄ້າມາ 1 ຄົນ ໂດຍຈະວັດຈຳນວນເງິນທີ່ບໍລິສັດໃຊ້ຈ່າຍເພື່ອດຶງດູດລູກຄ້າໃໝ່ເຂົ້າມາຊື້ສິນຄ້າ ແລະ ບໍລິການ ເຊິ່ງລວມໄປເຖິງຄ່າໃຊ້ຈ່າຍໃນການຂາຍ ແລະການຕະຫຼາດທັງໝົດ ເຊັ່ນ: ຕົ້ນທຶນໂປແກຣມ, ເງິນເດືອນ, ຄ່າຄອມມິດຊັນ ແລະ ໂບນັດ ເຊິ່ງມີສ່ວນໃຫ້ເຮົາໄດ້ລູກຄ້າມາເຊັ່ນ: ຖ້າບໍລິສັດເຄື່ອງສຳອາງມີຄ່າໃຊ້ຈ່າຍທັງໝົດ 2 ລ້ານບາດ ເພື່ອໄດ້ລູກຄ້າມາ 2,000 ຄົນ ນັ້ນໝາຍຄວາມວ່າ CAC ຄື 1,000 ບາດຕໍ່ລູກຄ້າ 1 ຄົນ.

ສູດທົ່ວໄປໃນການໃຊ້ຄິດໄລ່ Cost of Customer Acquisition (CAC)

ການຄິດໄລ່ Customer Acquisition Cost ປະກອບມີ:

Total Sales and Marketing Expenses: ລວມຄ່າໃຊ້ຈ່າຍທັງໝົດທີ່ກ່ຽວຂ້ອງກັບການເຮັດການຕະຫຼາດ ແລະ ການຂາຍ ເຊັ່ນ:
- ຄ່າໂຄສະນາ
- ຄ່າເຮັດ Content Marketing
- ຄ່າເຮັດເວັບໄຊ
- ຄ່າໃຊ້ຈ່າຍໃນການຈັດສຳມະນາ ຫຼື ກິດຈະກຳຕ່າງໆ
- ຄ່າຕອບແທນທີມງານການຕະຫຼາດ ແລະ ການຂາຍ
- ຄ່າໃຊ້ຈ່າຍອື່ນໆທີ່ກ່ຽວຂ້ອງ
New Customers Acquired: ຈຳນວນລູກຄ້າໃໝ່ທີ່ໄດ້ມາຈາກກິດຈະກຳທາງການຕະຫຼາດ ແລະ ການຂາຍໃນຊ່ວງເວລາທີ່ກຳນົດ

ຕົວຢ່າງ:

ຫາກບໍລິສັດມີຄ່າໃຊ້ຈ່າຍທາງການຕະຫຼາດ ແລະ ການຂາຍທັງໝົດ 100,000 ບາດ ແລະ ໄດ້ລູກຄ້າໃໝ່ມາ 500 ຄົນໃນຊ່ວງນັ້ນ
CAC = 100,000/500 = 200 ບາດຕໍ່ລູກຄ້າໃໝ່ 1 ຄົນ

Customer Acquisition Cost ສຳຄັນຕໍ່ທຸລະກິດແນວໃດ

ຊ່ວຍປະເມີນຄວາມຄຸ້ມຄ່າໃນການລົງທຶນ

CAC ຊ່ວຍໃຫ້ທຸລະກິດຮູ້ວ່າການລົງທຶນໃນກິດຈະກຳການຕະຫຼາດ ແລະ ການຂາຍນັ້ນມີຄວາມຄຸ້ມຄ່າຫຼືບໍ່ ຫາກວ່າ CAC ສູງເກີນໄປເມື່ອປຽບທຽບກັບລາຍໄດ້ທີ່ລູກຄ້າໃໝ່ສ້າງຂຶ້ນ ທຸລະກິດອາດຈະຕ້ອງພິຈາລະນາປັບກົນລະຍຸດການຕະຫຼາດ ຫຼື ປັບປຸງປະສິດທິພາບຂອງການຂາຍ ໂດຍທຸລະກິດສາມາດປຽບທຽບ CAC ກັບ Lifetime Value (LTV) ຫຼື ມູນຄ່າຕະຫຼອດອາຍຸການໃຊ້ງານຂອງລູກຄ້າ ເພື່ອເບິ່ງວ່າລູກຄ້າໃໝ່ແຕ່ລະຄົນສ້າງລາຍໄດ້ໃຫ້ກັບທຸລະກິດຄຸ້ມຄ່າຫຼືບໍ່ ຫາກ CAC ສູງກວ່າ LTV ທະລຸກິດອາດຕ້ອງປັບກົນລະຍຸດການຕະຫຼາດ ຫຼື ການຂາຍເພື່ອຫຼຸດຕົ້ນທຶນການຫາລູກຄ້າໃໝ່

ຕັ້ງງົບປະມານ ແລະ ການວາງແຜນທ່ມີປະສິດທິພາບ

ການຮູ້ຄ່າ CAC ຊ່ວຍໃຫ້ທຸລະກິດສາມາດຕັ້ງງົບປະມານສຳລັບກິດຈະກຳການຕະຫຼາດ ແລະ ການຂາຍໄດ້ຢ່າງມີປະສິດທິພາບ ທຸລະກິດສາມາດຄາດການຈຳນວນລູກຄ້າໃໝ່ທີ່ສາມາດໄດ້ຈາກງົບປະມານທີ່ມີໄດ້ຢ່າງຖືກຕາມເປົ້າຫຼາຍຂຶ້ນ

ຊ່ວຍໃນການຕັດສິນໃຈ

CAC ຊ່ວຍໃຫ້ທຸລະກິດສາມາດຕັດສິນໃຈເຊີງກົນລະຍຸດກ່ຽວກັບ ກ່ຽວກັບການຂະຫຍາຍທຸລະກິດ ການລົງທຶນໃນຊ່ອງທາງການຕະຫຼາດໃໝ່ ຫຼື ການພັດທະນາສິນຄ້າ ແລະ ບໍລິການໃໝ່ໆ ທຸລະກິດສາມາດປຽບທຽບ CAC ລະຫວ່າງຊ່ອງທາງການຕະຫຼາດຕ່າງໆ ເພື່ອເລືອກຊ່ອງທາງທີ່ມີປິດທິພາບຫຼາຍທີ່ສຸດ

ປັບປຸງປະສິດທິພາບການຕະຫຼາດ

ການຄຳນວນ ແລະ ຕິດຕາມ CAC ຍ່າງຕໍ່ເນື່ອງຊ່ວຍໃຫ້ທຸລະກິດສາມາດກວດສອບ ແລະ ປັບປຸງປະສິດທິພາບຂອງກິດຈະກຳການຕະຫຼາດ ແລະ ການຂາຍໄດ້ ທຸລະກິດສາມາດທົດລອງ ແລະ ປັບແຕ່ງ Campaing ການຕະຫຼາດຕ່າງໆ ເພື່ອຫາວິທີທີ່ສາມາດຫຼຸດ CAC ໄດ້ຢ່າງມີປະສິດທິພາບ

ດຶງດູດການລົງທຶນ

ຄ່າ CAC ທີ່ເໝາະສົມ ແລະ ຕໍ່າກວ່າຄ່າ Customer Lifetime Value ສາມາດຊ່ວຍດຶງດູດນັກລົງທຶນ ເນື່ອງຈາກສະແດງເຖິງຄວາມສາມາດໃນການຫາລູກຄ້າໃໝ່ ແລະ ການເຮັດກຳໄລໄລຍະຍາວ CAC ທີ່ຕໍ່າ ແລະ ສົມເຫດສົມຜົນ ສະແດງເຖິງສັກກະຍະພາບໃນການເຮັດກຳໄລ ດຶງດູດນັກລົງທຶນທີ່ຊອກຫາໂອກາດທາງທຸລະກິດທີ່ຍັ້ງຢືນ

ວິທີປັບປຸງ Customer Acquisition Cost

1. ເພີ່ມ Conversion Rate

ການເພີ່ມອັດຕາການປ່ຽນຜູ້ເຂົ້າເບິ່ງເວັບໄຊ ຫຼື ຜູ້ທີ່ສົນໃຈໃຫ້ກາຍເປັນລູກຄ້າ (Conversion Rate) ຈະຊ່ວຍຫຼຸດຄ່າ CAC ໄດ້ ໂດຍເຮົາສາມາດເຮັດໄດ້

ປັບປຸງເວັບໄຊ ແລະ ໜ້າ Landing Page: ອອກແບບໃຫ້ໃຊ້ງານງ່າຍ ສວຍງາມ ແລະ ມີການໃຊເທີ່ຊັດເຈນໃຫ້ຜູ້ໃຊ້ງານເຮັດຫຍັງ (Clear Call-to-Action)
A/B Testing: ທົດສອບ ແລະ ປຽບທຽບການອອກແບບ ຫຼື ເນື້ອຫກາຕ່າງໆ ເພື່ອຫາເວີຊັນທີ່ມີປະສິດທິພາບສູງສຸດ
ການໃຊ້ Social Proof: ເພີ່ມຄວາມເຊື່ອໝັ້ນດ້ວຍລີວິວຈາກລູກຄ້າ ດ້ວຍການສະແດງລີວິວ ຄຳຊົມ ຫຼື ລາງວັນທີ່ທຸລະກິດໄດ້ຮັບ ສ້າງຄວາມໜ້າເຊື່ອຖື ແລະ ຈູງໃຈໃຫ້ລູກຄ້າຕັດສິນໃຈ
ປັບປຸງເນື້ອຫາ ແລະ ຂໍ້ຄວາມ: ໃຊ້ຂໍ້ຄວາມທີ່ດຶງດູດໃຈ ແລະ ເນື້ອຫາທີ່ກົງກັບຄວາມຕ້ອງການຂອງກຸ່ມເປົ້າໝາຍ

2. ສ້າງ Customer Values

ການເພີ່ມມູນຄ່າໃຫ້ກັບລູກຄ້າ (Customer Values) ຈະຊ່ວຍໃຫ້ລູກຄ້າມີຄວາມພຶງພໍໃຈ ແລະ ກັບມາຊື້ສິນຄ້າ ແລະ ບໍລິການຊໍ້າອີກຄັ້ງ ດັ່ງນັ້ນທຸລະກິດຄວນດຳເນີນການໂດຍ

ເຂົ້າໃຈ ຄວາມຕ້ອງການຂອງລູກຄ້າ: ວິໄຈ ເກັບຂໍ້ມູນ ເພື່ອທຳຄວາມເຂົ້າໃຈຄວາມຕ້ອງການ ບັນຫາ ແລະ ພຶດຕິກຳຂອງລູກຄ້າ.
ນໍາສະເໜີສິນຄ້າ ຫຼື ບໍລິການທີ່ຕົງໃຈ: ພັດທະນາສິນຄ້າ ຫຼື ບໍລິການທີ່ຕອບສະໜອງຄວາມຕ້ອງການຂອງລູກຄ້າ ສ້າງຄວາມພຶງພໍໃຈ ແລະ ຈູງໃຈໃຫ້ກັບມາຊື້ຊໍ້າ
ມອບປະສົບການທີ່ດີ: ໃສ່ໃຈທຸກລາຍລະອຽດ ບໍລິການລູກຄ້າຢ່າງດີ ສ້າງຄວາມປະທັບໃຈ ແລະ ສ້າງຄວາມພັກດີຕໍ່ແບຣນ
ໂປແກຣມສະສົມຄະແນນ: ໃຫ້ລູກຄ້າສະສົມຄະແນນຈາກການຊື້ສິນຄ້າ ແລະ ບໍລິການເພື່ອນໍາມາແລກຮັບສິດທິພິເສດ ຫຼື ສ່ວນຫຼຸດ

3. Customer Referral Program

ໂປແກຣມການແນະນຳລູກຄ້າໃໝ່ໂດຍໃຊ້ໂລກຄ້າເກົ່າ (Referral Program) ນັບເປັນອີກວິທີທີ່ຈະຊ່ວຍຫຼ໌ດ CAC ແລະ ເພີ່ມຖານລູກຄ້າໂດຍ

ສ້າງແຮງຈູງໃຈ: ໃຫ້ລາງວັນ ຫຼື ສ່ວນຫຼຸດແຫ່ລູກຄ້າທີ່ແນະນຳໝູ່ເພື່ອນມາຊື້ສິນຄ້າ ແລະ ບໍລິການ
ການສື່ສານທີ່ຊັດເຈນ: ອະທິບາຍຂັ້ນຕອນການແນະນຳ ແລະ ລາງວັນທີ່ລູກຄ້າຈະໄດ້ຮັບຢ່າງຊັດເຈນ
ໃຊ້ລະບົບຕິດຕາມ: ໃຊ້ເທັກໂນໂລຍີໃນການຕິດຕາມ ແລະ ບັນທຶກການແນະນຳຂອງລູກຄ້າ ເພື່ອໃຫ້ສາມາດແຈກຈ່າຍລາງວັນໄດ້ຢ່າງຖືກຕ້ອງ

4. ໃຊ້ເທັກໂນໂລຍີເຂົ້າມາພັດທະນາ

ທຸລະກິດສາມາດໃຊ້ເທັກໂນໂລຍີໃນການພັດທະນາຂະບວນການທາງການຕະຫຼາດ ແລະ ການຂາຍໄດ້ໂດຍໃຊ້

Marketing Automation: ໃຊ້ເຄື່ອງມືອັດຕະໂນມັດໃນການສົ່ງອີເມວ ການໂພສເທິງໂຊຊຽວມີເດຍ ແລະ ການວິເຄາະຂໍ້ມູນ
Customer Relationship Management (CRM): ລະບົບ CRM ຊ່ວຍໃນການຈັດການຂໍ້ມູນລູກຄ້າ ແລະ ຕິດຕາມຄວາມສຳພັນກັບລູກຄ້າໄດ້ຢ່າງມີປະສິດທິພາບ
Data Analytics: ວິເຄາະຂໍ້ມູນລູກຄ້າ ພຶດຕິກຳ ແລະ ການໃຊ້ງານ ເພື່ອທຳຄວາມເຂົ້າໃຈລູກຄ້າ ສ້າງກົນລະຍຸດທີ່ຕົງໃຈ
AI: ໃຊ້ AI ໃນການ Personalize ປະສົບການຂອງລູກຄ້າ ສະເໜີສິນຄ້າ ແລະ ບໍລິການທີ່ຕົງໃຈ ເພີ່ມໂອກາດໃນການສົນທະນາ

5. Retargeting

ການເຮັດ Retargeting ຄື ການເຮັດການຕະຫຼາດໄປຍັງຜູ້ທີ່ເຄຍສະແດງຄວາມສົນໃຈໃຈສິນຄ້າ ຫຼື ບໍລິການແຕ່ຍັງບໍ່ສັ່ງຊື້ຜ່ານການ

ໂຄສະນາຕິດຕາມ: ໃຊ້ໂຄສະນາຕິດຕາມເພື່ອໃຫ້ລູກຄ້າກັບມາຊື້ສິນຄ້າ ຫຼື ບໍລິການທີ່ເຄຍສົນໃຈ
ການສົ່ງອີເມວຕິດຕາມ: ສົ່ງອີເມວຕິດຕາມເພື່ອກະຕຸ້ນໃຫ້ລູກຄ້າຊື້ສິນຄ້າທີ່ຢູ່ໃນລໍ້ຫຼືທີ່ເຄີຍເບິ່ງໄວ້
ການໃຊ້ຄຸກກີ້: ໃຊ້ຄຸກກີ້ໃນການຕິດຕາມພຶດຕິກຳຂອງຜູ້ໃຊ້ງານ ແລະ ສະແດງໂຄສະນາທີ່ຕົງກັບຄວາມສົນໃຈ

ສະຫຼຸບ

ການປັບປຸງ CAC ເປັນຂະບວນການທີ່ຕ້ອງການການວິເຄາະ ແລະ ການປັບປ່ຽນກົນລະຍຸດຕໍ່ເນື່ອງ ການໃຊ້ກົນລະຍຸດເບື້ອງຕົ້ນຢ່າງເໝາະສົມ ແລະ ປະສິດທິພາບຈະຊ່ວຍຫຼຸດຄ່າໃຊ້ຈ່າຍ ແລະ ເພີ່ມຜົນຕອບແທນຈາກາກນລົງທຶນໃນກິດຈະກຳການຕະຫຼາດ ແລະ ການຂາຍໄດ້ຢ່າງມີປະສິດທິພາບຫຼາຍຍິ່ງຂຶ້ນ

Lifestyle

ທ່ານອາດຕົກຢູ່ໃນສະພາວະສະໝອງເນົ່າ ຈາກພຶດຕິກຳເບິ່ງຄອນເທັ້ນຄຸນນະພາບຕໍ່າ ຈົນຂາດການພັດທະນາ

Posted on December 16, 2024December 16, 2024 by admin

16
Dec

ສະໝອງເຮົາເນົ່າຫຼືບໍ່…ສະໝອງເນົ່າບໍ່ໄດ້ໝາຍຄວາມວ່າໂງ່ ຫຼື ສະຫມອງກໍາລັງເນົ່າເປື່ອຍ ແຕ່ມັນເປັນຄໍາທີ່ສ້າງຂຶ້ນເພື່ອປຽບທຽບພຶດຕິກໍາຂອງຄົນ.

ແລ້ວພຶດຕິກຳປະເພດໃດແດ່ທີ່ເອີ້ນວ່າ “ສະໝອງເນົ່າ”?… ເອົາງ່າຍໆຄື ໃນຊ່ວງເວລາໜຶ່ງອາດມີສັນຍານວ່າອາດຈະມີແວວເຂົ້າຄ່າຍສະໝອງເນົ່າ.

ສະໝອງເນົ່າ ມາຈາກພາສາອັງກິດວ່າ Brain rot ມັນເປັນຄໍາທີ່ຖືກເລືອກໂດຍ Oxford ເປັນຄໍາສັບຂອງປີ 2024 (ອີງໃສ່ການລົງຄະແນນສຽງຂອງປະຊາຊົນ).

ຄໍາວ່າ “ການເນົ່າເປື່ອຍຂອງສະຫມອງ” ແມ່ນຫຍັງ?

ຄໍາວ່າ “ການເນົ່າເປື່ອຍຂອງສະຫມອງ” ຫມາຍເຖິງການເສື່ອມສະພາບຂອງຈິດໃຈ ຫຼື ສະຕິປັນຍາຂອງບຸກຄົນ. ຜູ້ທີ່ບໍລິໂພກເນື້ອຫາອອນໄລນ໌ຫຼາຍເກີນໄປ ໂດຍສະເພາະເນື້ອຫາທີ່ບໍ່ສໍາຄັນຫຼືບໍ່ມີເຫດຜົນ ມັນຍັງເຮັດໃຫ້ຄວາມສາມາດໃນການຮັບຮູ້ຫຼຸດລົງ.

ເພື່ອສະຫຼຸບໄດ້ງ່າຍຂຶ້ນເລັກນ້ອຍ, ມັນເປັນການສະທ້ອນເຖິງພຶດຕິກໍາຂອງຄົນທີ່ທັນສະໄຫມທີ່ບໍລິໂພກເນື້ອຫາອອນໄລນ໌ທີ່ມີຄຸນນະພາບຕໍ່າເກີນໄປເຊັ່ນ: ເລື່ອງດ່າມ້າ (Drama), ຂ່າວປອມ (Fake News), ຫຼືຄວາມບັນເທີງທີ່ບໍ່ສ້າງສັນ.

ສົ່ງຜົນໃຫ້ຂາດການພັດທະນາສະຫມອງ ເສຍເວລາ ແລະ ມັນອາດຈະຫຼຸດຄວາມສາມາດໃນການຄິດວິເຄາະຫຼືຄວາມຄິດສ້າງສັນໃນໄລຍະຍາວ.

Oxford ເລືອກຄໍານີ້ບໍ່ພຽງແຕ່ສະທ້ອນໃຫ້ເຫັນພຶດຕິກໍາຂອງຄົນຍຸກໃໝ່ ແຕ່ຢາກໃຫ້ເຫັນເຖິງບັນຫາໃນການເລືອກເບິ່ງເນື້ອຫາອີກດ້ວຍ.

ຮູ້ເລື່ອງນີ້ແລ້ວ ຢ່າລືມສຳຫຼວດຕົນເອງເບິ່ງວ່າ ເຮົາເຂົ້າຄ່າຍເປັນ “ສະຫມອງເນົ່າ” ຫຼືບໍ່.

Education

ຕິດແຮັດແທັກແນວໃດໃຫ້ເປີດການມອງເຫັນ ໂພສນີ້ມີຄຳຕອບ

Posted on December 10, 2024December 15, 2024 by admin

10
Dec

ເມື່ອ Facebook ມັກປິດກັ້ນການມອງເຫັນ ເຊິ່ງແບຣນຕ້ອງສຶກສາກົນລະຍຸດໃນການຕິດ “#” ເຊິ່ງໃນປີ 2025 ການຕິດແຮັດແທັກເພື່ອເພີ່ມການຮັບຮູ້ຕ້ອງເຮັດແນວໃດ ໄປເບິ່ງນໍາກັນເລີຍ.

ການຕິດແຮັດແທັກ “#” ເທິງ Facebook ເປັນໜຶ່ງໃນວິທີການເພີ່ມການຮັບຮູ້ ກະຕຸ້ນການມອງເຫັນໄດ້ດີຂຶ້ນ ຫາກວ່າແບຣນຫຼືທຸລະກິດເຂົ້າໃຈ ວິທີການ ຫຼືແນວທາງປະຕິບັດຈິງກໍຈະເຫັນຜົນກັບທຸລະກິດເຮົາໄດ້ດີຂຶ້ນ

ກ່ອນອື່ນຕ້ອງຮູ້ກ່ອນວ່າກົດເກນສຳລັບ ແຮັດແທັກ “#” ພັດທະນາຂຶ້ນທຸກປີເພາະການຂະຫຍາຍຕົວຢ່າງໄວຂອງແພັດຟອມເຊັ່ນ TikTok, LinkedIn ແລະ Instagram ໂດຍແພັດຟອມເຫຼົ່ານີ້ມີສ່ວນກຳນົດວິທີການໃຊ້ແຮັດແທັກ ຄວາມກ່ຽວຂ້ອງ ແລະ ປະສິດທິພາບຂອງແຮັດແທັກເພື່ອໃຫ້ເກີດການມອງເຫັນ

3 ເຄັດລັບທີ່ຕ້ອງອ່ານກ່ອນຕິດແຮັດແທັກເທິງ Facebook

ຫຼາຍຄົນມັກເວົ້າເຖິງ Algorithms ລວມເຖິງເທນ social media ໃໝ່ໆ ທີ່ເກີດຂຶ້ນຕະຫຼອດເວລາ ເຮັດໃຫ້ເກີດຄຳຖາມທີ່ວ່າ “#” ຍັງຈຳເປັນຢູ່ບໍ່ ສຳລັບທຸລະກິດ ແລະ ແບຣນຂອງເຮົາ

ເຊິ່ງຄຳຕອບນັ້ນກໍຄື “ແມ່ນ” ການໃຊ້ແຮັດແທັກຍັງຈຳເປັນ ແລະ ມີຄວາມສຳຄັນຫຼາຍຂຶ້ນໄປອີກໃນອະນາຄົດ ເຊິ່ງຢ່າງໜ້ອຍມັນກໍຊ່ວຍຈັດໝວດໝູ່ເນື້ອຫາເຮັດໃຫ້ກຸ່ມເປົ້າໝາຍຄົ້ນຫາເຮົາໄດ້ງ່າຍຂຶ້ນ

ມີຫຼາຍວິທີທີ່ນັກການຕະຫຼາດພີສູດກັນມາແລ້ວວ່າ ແຮັດແທັກ “#” ແບບໃດທີ່ດີ ດັ່ງນັ້ນໃນປີ 2025 ຢ່າງໜ້ອຍເຮົາຄວນມີ 3 ເລື່ອງທີ່ເຮົາຈະສະຫຼຸບມາໃຫ້ອ່ານນໍາກັນ.

1. ໃຊ້ແຮັດແທັກ “#” ຍອດນິຍົມ

ເປັນວິທີທີ່ມີການພິສູດແລ້ວວ່າໄດ້ຜົນໃນການຄົ້ນຫາຜ່ານແຮັດແທັກກໍຄື ການໃຊ້ແຮັດແທັກຕາມຜູ້ທີ່ມີຄົນຕິດຕາມຫຼາຍໆ ຫຼືແຮັດແທັກທີ່ກົງກັບກຸ່ມເປົ້າໝາຍຂອງເຮົາ ເຊັ່ນ: ເຮັດຂະໜົມ, ທ່ອງທ່ຽວ, ໃຫ້ເລືອກແຮັດແທັກທີ່ມີຢູ່ແລ້ວໃນໂຊຊ້ຽວ ແລະ ມີຍຶດຜູ້ໃຊ້ງານຫຼາຍ ຈະເຮັດໃຫ້ທຸລະກິດເຮົາຕິດຢູ່ໃນຄວາມສົນໃຈໃນໂລກອອນລາຍອີກດ້ວຍ.

2. ໃຊ້ຄຳໃຫ້ສັ້ນໆ

ແຮັດແທັກທີ່ດີບໍ່ຄວນມີເກີນ 3 ແຮັດແທັກ ເພາະຖ້າມີຈຳນວນຫຼາຍເກີນໄປອາດຈະເປັນສາເຫດທີ່ເຮັດໃຫ້ເຮົາເປັນ Spam ໄດ້ ຫຼືເນື້ອຫາເຮົາຂາດຄຸນນະສົມບັດທີ່ດີ ໂດຍນັກການຕະຫຼາດປຽບທຽບແຮັດແທັກເປັນຫົວຂໍ້ໃຫຍ່ທີ່ຢາກເວົ້າ ດັ່ງນັ້ນການເລືອກໃຊ້ຄຳ ຄວນອ່ານແລ້ວເຈົ້າໃຈຫຼືພໍເດົາໄດ້ວ່າກຳລັງເວົ້າເຖິງຫຍັງ ຕ້ອງບໍ່ແມ່ນຂໍ້ຄວາມທີ່ອ້ອມເກີນໄປຈົນບໍ່ເຂົ້າໃຈເນື້ອຫາຫຼືທຸລະກິດທີ່ເຮັດແທ້ໆ

3. ຕິດຕາມແຮັດແທັກທີ່ໃຊ້

ບໍ່ວ່າຈະເປັນແຮັດແທັກໃດທີ່ເຮົາໃຊ້ເພື່ອກະຕຸ້ນການຮັບຮູ້ ແລະ ເປີດການມອງເຫັນ ເຮົາຕ້ອງກວດເບິ່ງປະສິດທິພາບຂອງແຮັດແທັກທີ່ໂພສເທິງ Facebook ເຊັ່ນ: ແຮັດແທັກນັ້ນໆເຮັດໃຫ້ເກີດການມີສ່ວນຮ່ວມຫຼືບໍ່ແນວໃດ, ແຮັດແທັກນັ້ນກະຕຸ້ນການມອງເຫັນຫຼືບໍ່ແຍວໃດ (ໄດ້ກຸ່ມຜູ້ໃຊ້ໃໝ່, ຄວາມຖີ່ຂອງການເວົ້າເຖິງແຮັດແທັກຂອງເຮົາເປັນຕົ້ນ)

ແຮັດແທັກເປັນຫຍັງຍັງສຳຄັນ ແລະ ປີ 2025 ຍັງຕ້ອງໃຊ້

ມີການສະຫຼຸບ 3 ຈຸດປະສົງທີ່ໃຊ້ແຮັດແທັກໃນຊ່ວງທີ່ຜ່ານມາ ແລະ ໃນປີ 2025 ກໍອາດຈະມີຈຸດປະສົງຄືກັນກໍຄື:

ເພື່ອເຂົ້າເຖິງຜູ້ຄົນກຸ່ມໃໝ່: ໃນເລື່ອງຂອງພຶດຕິກຳຄົນຕອນນີ້ມີການຄົ້ນຫາໂພສທີ່ກ່ຽວຂ້ອງກັບສິ່ງເກີດຂຶ້ນ ຫຼືເຫດການສຳຄັນທີ່ເປັນກະແສຜ່ານແຮັດແທັກ ເພາະຈະຊ່ວຍສະແກນໂພສທີ່ບໍ່ກ່ຽວຂ້ອງອອກໄປ ປະຢັດເວລາໃນການຄົ້ນຫາອີກດ້ວຍ ນອກຈາກນີ້ຍັງຊ່ວຍດຶງຄວາມສົນໃຈກຸ່ມໃໝ່ໆ ທີ່ຍັງບໍ່ຮູ້ຈັກແບຣນຫຼືທຸລະກິດຂອງເຮົາ

ກະຕຸ້ນການມີສ່ວນຮ່ວມໃນສັງຄົມ: ແຮັດແທັກ “#” ຈະຊ່ວຍກະຕຸ້ນໃຫ້ລູກຄ້າ ຫຼື ຜູ້ຄົນເຂົ້າມາມີສ່ວນຮ່ວມໄດ້ງ່າຍຂຶ້ນ ໂດຍ “#” ຄືກັບເປັນພື້ນທີ່ທີ່ລວມເນື້ອຫາເອົາໄວ້ແລ້ວ ແລະ ເປັນພື້ນທີ່ເປີດເພື່ອແລກປ່ຽນຄວາມຄິດເຫັນກັນ

ສ້າງ Campaign Omichannel ໃຫ້ໄດ້ຜົນ: ນັກການຕະຫຼາດສ່ວນໃຫຍ່ເບິ່ງວ່າແຮັດແທັກ ເປັນເຄື່ອງມືການຕະຫຼາດ ສ່ວນໃຫຍ່ຈະເອົາໄວ້ສ້າງຄວາມຕື່ນເຕັ້ນໃຫ້ກັບການເປີດຕົວຜະລິດຕະພັນ ຫຼືບໍລິການບາງຢ່າງ ລວມໄປເຖິງການແຈກລາງວັນ ຫຼືກະຕຸ້ນພາບລັກຂອງແບຣນຜ່ານ Campaign

ສຳລັບແພັດຟອມອື່ນໆວິທີການ ຫຼືຈຳນວນຂອງແຮັດແທັກທີ່ໃຊ້ອາດຈະບໍ່ຄືກັບ Facebook ສະເໝີໄປ ນັກການຕະຫຼາດ ຫຼື ຜູ້ທີ່ກ່ຽວຂ້ອງກັບການວາງ SEO ບໍລິສັດຈຳເປັນຕ້ອງສຶກສາຢ່າງລະອຽດ ເຊັ່ນ: ການໃຊ້ແຮັດແທັກເທິງ X (Twitter) ຈຳນວນທີ່ເໝາະສົມຄື 1-2 ແຮັດທັກຕໍ່ໂພສ ສ່ວນໃນ Instagram ຈຳນວນທີ່ເໝາະສົມກໍຄື 3-5 ແຮັດແທັກຕໍ່ໜຶ່ງໂພສ ເປັນຕົ້ນ

Business, Cultures, Education, Lifestyle, News, TECH

DIGITAL MARKETING COMPANY IN LAOS

Posted on December 7, 2024December 18, 2024 by admin

07
Dec

What is Digital Marketing?

Digital Marketing is the use of digital technology to promote your products, services or brands through various online channels to reach your target audience and engage them.

Why is Digital Marketing important?

Easier access to customers: The online world is a source of a large number of people. You can reach your target audience more precisely and widely than traditional marketing.

Accurate measurement: Digital marketing tools allow you to track and measure results in detail, such as the number of people who see your ads, the number of clicks, the number of purchases, etc.
Quick adjustment: You can adjust your strategy and content immediately when you see the results.

Engage with customers: Social media is a channel that allows you to interact with customers directly, listen to their opinions and suggestions.
Important Digital Marketing Channels

SEO (Search Engine Optimization): Improving your website to rank on Google search results pages.
Social Media Marketing: Using social media such as Facebook, Instagram, TikTok to promote.
Content Marketing: Creating valuable content such as articles, videos to attract and retain customers.
Email Marketing: Sending emails to customers to build relationships and promote products.
Pay-Per-Click Advertising: Buying online advertising such as Google Ads.
Affiliate Marketing: Collaborating with influencers or other websites. To promote a product
Influencer Marketing: Working with social media influencers to promote a product
Examples of Digital Marketing: Facebook ads that are personalized based on user interests, Informative blog posts about products, Instagram Live events, Holiday promotional emails

Summary: Digital marketing is a vital tool for businesses of all sizes looking to grow in the digital age. Understanding the fundamentals and choosing the right channels will help you achieve your business goals effectively.

Lifestyle, Cultures

ແນະນຳແຫຼ່ງທ່ອງທ່ຽວ ທີ່ມີກາເຟແຊບໃນລາວໃຫ້ແອັມມິນແນ່.

Posted on October 30, 2024December 9, 2024 by xaysana siphandone

30
Oct

ສະບາຍດີທຸກຄົນທີ່ຮັກການດື່ມກາເຟ ແລະ ການເດີນທາງ! ມື້ນີ້ເຮົາຈະພາທຸກຄົນໄປສຳຜັດກັບສະເໜ່ຂອງກາເຟ ແລະ ການທ່ອງທ່ຽວໃນລາວ! ໃຜທີ່ກຳລັງຊອກຫາບ່ອນໃໝ່ໆ. ສໍາລັບການພັກຜ່ອນ ຄຽງຄູ່ກັບການໄປຊີມກາເຟແຊບໆ. ບອກເລີຍວ່າປະເທດລາວຄືຄຳຕອບ!

ປະເທດລາວ…ບໍ່ພຽງແຕ່ເປັນເມືອງຫຼວງ! ຫຼາຍຄົນອາດຈະຄິດເຖິງວຽງຈັນວ່າເປັນທີ່ງຽບສະຫງົບ ແຕ່ທີ່ຈິງແລ້ວປະເທດລາວມີສະເໜ່ກວ່າທີ່ທ່ານຄິດ! ໂດຍສະເພາະໃນຂົງເຂດກາເຟ ແລະ ການທ່ອງທ່ຽວທີ່ຂະຫຍາຍຕົວຢ່າງໄວວາໃນລາວ.

ກາເຟລາວມີລົດຊາດທີ່ເປັນເອກະລັກ ແລະ ການຈະເລີນເຕີບໂຕໃນສະພາບອາກາດທີ່ເຫມາະສົມສົ່ງຜົນໃຫ້ກາເຟມີຄຸນນະພາບດີ, ກິ່ນຫອມ ບໍ່ວ່າຈະເປັນກາເຟ Arabica ຫຼື Robusta ມັນສາມາດຕອບສະໜອງຄວາມຕ້ອງການບໍ່ວ່າຈະໃນ ຫຼື ນອກປະເທດຂອງຄົນຮັກກາເຟໄດ້ທຸກໆຄົນ.

ນອກຈາກການດື່ມກາເຟແຊບໆແລ້ວ, ທຳມະຊາດງາມໆແບບພື້ນບ້ານຢູ່ລາວເຮົາຍັງມີສະຖານທີ່ທ່ອງທ່ຽວກະສິກຳຫຼາຍແຫ່ງໃຫ້ໄດ້ສຳຜັດເຊັ່ນ: ສວນກາເຟທີ່ເຮົາສາມາດໄປເບິ່ງຂະບວນການຜະລິດກາເຟຕັ້ງແຕ່ຕົ້ນຈົນຈົບ ຫຼື ທ່ານສາມາດຍ່າງປ່າແລະເບິ່ງທໍາມະຊາດ ພ້ອມກັບເພີດເພີນໄປກັບການຍ່າງປ່າໃນຮູບແບບທີ່ແຕກຕ່າງກັນ.

ໃນປັດຈຸບັນປະເທດລາວມີຮ້ານຄາເຟແບບ Chic ມີຫຼາຍບ່ອນ ໃຫ້ເລືອກນັ່ງເຢັນໆບໍ່ວ່າຈະເປັນຮ້ານກາເຟແບບລ້ານນາ ຮ້ານກາເຟແຄມແມ່ນ້ຳ ຫຼືຮ້ານກາເຟທີ່ຕັ້ງຢູ່ໃນທໍາມະຊາດ ທ່ານສາມາດເລືອກຕາມຄວາມມັກຂອງທ່ານ.

ແລະເປັນຫຍັງຕ້ອງໄປທ່ຽວປະເທດລາວ?

ຄ່າຄອງຊີບບໍ່ແພງ: ໄປທ່ຽວລາວກໍ່ຄຸ້ມຄ່າ. ເພາະຄ່າຄອງຊີບບໍ່ສູງເມື່ອທຽບໃສ່ປະເທດອື່ນ ແລະ ເຮົາສາມາດທ່ຽວປະເທດໄດ້ດົນຂື້ນ.
ວັດທະນະທໍາທີ່ເປັນເອກະລັກ: ປະເທດລາວມີວັດທະນະທໍາທີ່ເປັນເອກະລັກແລະຫນ້າສົນໃຈ. ພວກເຮົາຈະໄດ້ສຳຜັດກັບວິຖີຊີວິດທີ່ລຽບງ່າຍ ແລະ ອົບອຸ່ນຂອງຄົນລາວ.
ທຳມະຊາດທີ່ສວຍງາມ: ປະເທດລາວມີທຳມະຊາດທີ່ສວຍງາມ, ອາກາດດີ, ເໝາະແກ່ການພັກຜ່ອນ.

ທັງໝົດນີ້, ປະເທດລາວເປັນຈຸດໝາຍປາຍທາງທີ່ໜ້າສົນໃຈສຳລັບຄົນຮັກກາເຟ ແລະ ການທ່ອງທ່ຽວ. ເພາະນອກຈາກໄດ້ດື່ມກາເຟແຊບໆແລ້ວ, ພວກເຮົາຍັງໄດ້ສຳຜັດກັບວັດທະນະທຳທີ່ເປັນເອກະລັກ ແລະ ທໍາມະຊາດທີ່ສວຍງາມເຊັ່ນດຽວກັນ, ສຸດທ້າຍນີ້ ໃຜທີ່ມີແຫຼ່ງທ່ອງທ່ຽວງາມໆ ຮ້ານກາເຟແຊບໆ ມາແນະນຳແອັດຄອມເມັ້ນມາບອກກັນໄດ້ເດີ້ ດຽວແອັດຈະໄປຕາມ.

Business

ເລືອກບໍລິສັດການຕະຫຼາດໃນລາວແນວໃດຈຶ່ງຈະຕອບໂຈດສຸດ 2024?

Posted on October 25, 2024October 25, 2024 by xaysana siphandone

25
Oct

ການເລືອກບໍລິສັດການຕະຫຼາດໃນລາວບໍ່ແມ່ນເລື່ອງງ່າຍ ເນື່ອງຈາກວ່າມີຫຼາຍທາງເລືອກ ແຕ່ທ່ານສາມາດພິຈາລະນາປັດໃຈເຫຼົ່ານີ້ໄດ້:

1. ປະສົບການ

ບໍລິສັດນັ້ນມີປະສົບການເຮັດວຽກກັບລູກຄ້າໃນອຸດສາຫະກໍາຂອງທ່ານບໍ່? ມີຜົນງານທີ່ຫນ້າສົນໃຈ ແລະ ມີຄວາມຄິດສ້າງສັນບໍ່?

2. ຄວາມຊ່ຽວຊານ

ບໍລິສັດມີຄວາມຊໍານານໃນ Digital Marketing ບໍ່? ສາມາດສະເໜີການແກ້ໄຂບັນຫາຕ່າງໆເຊັ່ນ SEO, Social Media Marketing, Content Marketing, ຫຼື GoogleAds ?

3. ຄວາມເຂົ້າໃຈຕະຫຼາດລາວເປັນຢ່າງດີ

ບໍລິສັດເຂົ້າໃຈວັດທະນະທໍາ. ພຶດຕິກໍາຂອງຜູ້ບໍລິໂພກ ແລະລະບຽບການຕະຫຼາດຂອງລາວດີຫຼືບໍ່?

4. ເຄືອຂ່າຍ

ບໍລິສັດມີເຄືອຂ່າຍຄູ່ຮ່ວມງານທີ່ເຂັ້ມແຂງຢູ່ໃນລາວບໍ? ມັນສາມາດຊ່ວຍໃຫ້ທ່ານເຂົ້າເຖິງກຸ່ມລູກຄ້າເປົ້າຫມາຍຂອງທ່ານຢ່າງມີປະສິດທິພາບ.

ການວັດຜົນ (ROI): ບໍລິສັດສາມາດວັດແທກຜົນໄດ້ຮັບແລະສະແດງຜົນຕອບແທນຂອງການລົງທຶນຂອງເຈົ້າໄດ້ບໍ?

ການບໍລິການທີ່ບໍລິສັດການຕະຫຼາດໃນລາວຄວນມີ:

ການວາງແຜນຍຸດທະສາດການຕະຫຼາດ: ຊ່ວຍວິເຄາະຕະຫຼາດແລະພັດທະນາຍຸດທະສາດການຕະຫຼາດທີ່ຕອບສະຫນອງເປົ້າຫມາຍທຸລະກິດຂອງທ່ານ.
ການສ້າງ Branding: ສາມາດວິເຄາະ ແລະ ສ້າງພາບພົດໃນແງ່ດີໃຫ້ກັບ Brand ຂອງທ່ານໃນສາຍຕາຂອງຜູ້ບໍລິໂພກລາວໄດ້ດີບໍ່.
Digital Marketing: ການຕະຫຼາດໂດຍຜ່ານຊ່ອງທາງອອນໄລນ໌ຕ່າງໆເຊັ່ນ: ເວັບໄຊທ໌, Social ໍMedia. ແລະ SEO
ປະສົບການດ້ານການຕະຫຼາດ: ຈັດກິດຈະກໍາສົ່ງເສີມການຂາຍແລະສ້າງປະສົບການໃນທາງບວກສໍາລັບລູກຄ້າ.

ການວັດແທກຜົນໄດ້ຮັບ: ຕິດຕາມແລະວັດແທກຜົນໄດ້ຮັບຂອງການໂຄສະນາການຕະຫຼາດຂອງທ່ານ. ເພື່ອປັບປຸງຍຸດທະສາດຂອງທ່ານໃຫ້ດີຂຶ້ນກວ່າເກົ່າ

ຂໍ້ຄວນລະວັງໃນການເລືອກບໍລິສັດການຕະຫຼາດໃນລາວ

ລາຄາ: ຢ່າເລືອກບໍລິສັດທີ່ມີລາຄາຖືກເກີນໄປ. ເພາະວ່າພວກເຂົາອາດຈະບໍ່ໄດ້ຮັບການບໍລິການທີ່ມີຄຸນນະພາບ
ສັນຍາ: ອ່ານສັນຍາຢ່າງລະອຽດກ່ອນທີ່ຈະຕັດສິນໃຈ.
ວຽກງານ: ຂໍຕົວຢ່າງການເຮັດວຽກຂອງບໍລິສັດຂອງທ່ານ. ການປະເມີນຄວາມສາມາດ
ການອ້າງອີງ: ຂໍການອ້າງອີງຈາກລູກຄ້າອື່ນໆ.

ສະຫຼຸບ

ການເລືອກບໍລິສັດການຕະຫຼາດລາວທີ່ເໝາະສົມແມ່ນບາດກ້າວສຳຄັນໃນການຂະຫຍາຍທຸລະກິດໃນລາວ. ເຂົ້າໃຈຄວາມຕ້ອງການຂອງລູກຄ້າລາວ ແລະການເລືອກບໍລິສັດທີ່ມີຄວາມຊໍານານແລະປະສົບການຈະຊ່ວຍໃຫ້ທ່ານບັນລຸເປົ້າຫມາຍທຸລະກິດຂອງທ່ານແນ່ນອນ.

Business

ງານເປີດຕົວໂລໂກ້ໃຫມ່ຂອງ ຫວຍອິນຊີ.

Posted on June 3, 2024October 30, 2024 by xaysana siphandone

03
Jun

ພວກເຮົາໄດ້ສະໜອງຜະລິດ Content ເພື່ອສະແດງໃນງານ ນັບຕັ້ງແຕ່ການອອກແບບໂລໂກ້, ຂຽນແຜນກົນລະຍຸດການຕະຫລາດໂດຍລວມ ແລະ ພັດທະນາ Branding ໃຫ້ກັບຫວຍອິນຊີ, ຜະລິດ Media Marketing ແລະ ເນື້ອໃນສຳລັບການ PR. ນອກນັ້ນ ຍັງຮັບຜິດຊອບໃນສ່ວນຂອງ ການສະແດງເພື່ອຕອບໂຈດກັບງານໃຫ້ຫລາຍທີ່ສຸດ.